Më 9 dhjetor , 2025, në kuadër të projektit “Albania’s Preparation of Inventory of Banks of Used or Unwanted Controlled Substances”, Universiteti “Barleti” në bashkëpunim të ngushtë me Njësinë Kombëtare të Ozonit zhvilloi një leksion të hapur me temë “Roli i Arkitekturës në Mbrojtjen e Ozonit, Klimës dhe Zhvillimit të Qëndrueshëm”.
Aktiviteti u organizua në bashkëpunim me Njësinë Kombëtare të Ozonit, nën koordinimin e pedagoges Silvana Delia, dhe u drejtua nga pedagogët Prof. Asoc. PhD. Etleva Dobjani dhe Ledio Kosta. Leksioni trajtoi rëndësinë e qasjeve inovative në arkitekturë dhe projektim si faktorë që ndikojnë në reduktimin e konsumit energjetik dhe në mbështetjen e objektivave globale për mbrojtjen e klimës dhe mjedisit.
Tematikat kryesore të trajtuara
Gjatë leksionit u diskutuan:
- roli i arkitekturës bashkëkohore në promovimin e ndërtesave energjetikisht efikase dhe të qëndrueshme;
- sistemet aktive dhe zgjidhjet teknike për reduktimin e konsumit të energjisë;
- rëndësia e menaxhimit të qëndrueshëm të burimeve në proceset e projektimit dhe ndërtimit;
- zbatimi i parimeve 3R – Reduktim, Ripërdorim, Riciklim si instrumente për zhvillim të qëndrueshëm;
- rëndësia e qasjeve teknike dhe inovative në menaxhimin e substancave të kontrolluara për mbrojtjen e shtresës së ozonit dhe klimës.
Pjesëmarrja dhe ndikimi
Në aktivitet morën pjesë 53 studentë dhe pedagogë të programeve Master të Universitetit Barleti, duke krijuar një hapësirë diskutimi teknik dhe ndërdisiplinor mbi arkitekturën e qëndrueshme, eficiencën energjetike dhe menaxhimin e përgjegjshëm të burimeve natyrore.
Pjesëmarrësit u njohën me mënyra konkrete se si profesionistë nga fusha të ndryshme mund të kontribuojnë në përballimin e sfidave globale mjedisore përmes inovacionit, teknologjisë dhe praktikave të qëndrueshme.
Rezultatet dhe ndikimi
Leksioni përbëri një kontribut të rëndësishëm akademik në zgjerimin e perspektivës së studentëve dhe pedagogëve mbi lidhjen ndërmjet arkitekturës, klimës dhe mbrojtjes së shtresës së ozonit.
Aktiviteti forcoi qasjen ndërdisiplinore të Universitetit Barleti në trajtimin e çështjeve mjedisore dhe kontribuoi në rritjen e kompetencave të komunitetit akademik për adresimin e sfidave që lidhen me zhvillimin e qëndrueshëm, eficiencën energjetike dhe përdorimin e përgjegjshëm të burimeve, pasi mbrojtja e shtresës së ozonit nuk është vetëm çështje e sektorit teknik të ftohjes, por kërkon qasje të integruar nga arkitektura, inxhinieria, ekonomia dhe shkencat sociale
